Хүүхдээ хөхүүлж байхдаа гар утсаараа оролддог ээжүүдийн анхааралд!
2018 оны 6 сарын 5
Хүүхдээ хөхүүлэхдээ гар утсаараа оролдвол хүүхэд хэл ярианы хөгжил муутай, зожиг нэгэн болдог

Одоо үед хүүхдээ хөхүүлж байх үедээ ухаалаг утсаа оролдож суугаа эх хүний дүр зураг энгийн үзэгдэл болжээ. Гэтэл сүүлийн үеийн судалгаагаар хүүхдээ хөхүүлж байх зууртаа энэ чухал үйл явцад анхаарахгүй, утсаар оролдох, өөр зүйл бодож, сонирхох явдал нь сүүний гаралтад сөргөөр нөлөөлж, хүүхэд хөхөө буруу хөхөж, хэл амны хөгжил нь удаашрахад хүргэдэг болохыг тогтоожээ.

mother with baby in handphone зурган илэрцүүд

Уг нь хүүхэд хөхөө хөхөх үйл явц бол ээж, хүүхэд хоёрын бие ойртож, хүүхдийн гэдсэнд байсан үеийг нь сануулам хамгийн таатай хором мөч байдаг.

Учир шалтгаан:

Хөхний булчирхайн үйл ажиллагаа гэж юу вэ?

Ээж нь хөхүүлж байх үедээ хүүхэдтэйгээ ярьж, харж байх нь дуу хоолой болоод дүр төрхийг нь сайтар тогтоож авахад нь илүү нөлөө үзүүлдэг байна. Улмаар хүүхдийн хөхөө хөхөх дуршил нэмэгдэж, эхийн хөхний шүүрлийн булчирхайн үйл ажиллагаа идэвхжиж, сүүний гарц нэмэгддэг байна.

Ээж болон сүүний гаралтад нөлөөлөх нь:

1. Эх үр 2-ын хооронд үүсэх хүртэлцэх мэдрэхүй, харцаар холбогдох мэдрэмж үгүй болно

Хөхүүлэх үйл явцад эх үр хоёр 2 уулаа идэвхтэй оролцож, хамтдаа аз жаргалтай цаг мөчийг бүтээх нь маш чухал. Түүгээр ч барахгүй хайрын харцаар биесээ ширтэх нь хүүхдийг ирээдүйд нийгэмших үйл явцых нь эхлэл болж байдаг байна.

2. Хөхний сүүний булчирхай бүрэн ажиллахгүйн улмаас сүүний гарц багасдаг

Хүүхэд эхийнхээ хөхийг сорох төдийд л хангалттай хэмжээний сүү хөхний булчирхайнаас ялгарч гардаг гэж ойлгож байвал эндүүрэл. Хэрвээ ээж утсандаа анхаарлаа хандуулж, эсвэл өөр зүйлд сэтгэл санаагаа чилээх аваас булчирхайн үйл ажиллагаа идэвхгүй болж, сүүний гаралт эрс багасдаг байна

3. Өөртэй нь ярьж, анхаарал тавихгүй бол хөхөө хөхөх дуршилгүй болдог

Хүүхэд хөхөө хөхөх үйл явц бол түүний хамгийн анхны хооллох сонирхол, дуршил хөгжиж, бий болдог үйл явц. Том хүмүүс ганцаараа хооллох сонирхолгүй, дургүй байдаг шүү дээ. Тэгвэл хүүхэд ч бас ээж нь анхаарлаа өөрт нь бүрэн зориулаагүй үед хөхөө хөхөх сонирхолгүй болж, хооллох дуршилгүй болох магадлалтай болдог.

Хүүхдэд нөлөөлөх нь:

1. Эх нь хөхүүлж байхдаа анхаарахгүй бол хүүхэд хүнд анхаарал хандуулдаггүй, зожиг болох магадлал өндөр байдаг

Хөхүүлнэ гэдэг нь хүүхдээ зөвхөн хооллож байгаа хэрэг биш бөгөөд үүгээр дамжуулж, халуун дулаан мэдрэмжийг бий болгож, хүнлэг сэтгэл төрүүлдэг үйл явц юм. Харин ээж утсандаа анхаарч, хүүхдээ тоохгүй бол хүүхдийн хүмүүжилд муугаар нөлөөлнө.

Холбоотой Зураг

2. Ээж нь ярьж, чимээ гаргахгүй бол хүүхдийн хэл ярианы хөгжил удааширдаг

Ийм чухал үед утсаа оролдож байгаа бол бусад үед ч утсандаа анхаарах нь илүүтэй байх нь ойлгомжтой. Тэгэхээр хүүхэдтэй харилцах харьцаа багасч, хэл ярианы хөгжилд муу нөлөөтэй

3. Хүүхдийн сэтгэл санаа тогтворгүй болно

Ээж нь өөрөөс нь илүү утсыг хайрлаж байгаа юм шиг сэтгэгдлийг эхийх нь харц өөр дээр нь биш утаснаас салахгүй байгаагаас олж, мэдэрдэг. Улмаар хүүхэд тэвдүү, сандруу, тайван бус байдалтай байх ба энэ нь цаашид төлөвших явцад нь ч нөлөөлдөг муу талтай юм байна.

Японы “Hiyoko” сэтгүүлээс орчуулав.

Эх сурвалж: http://eruulmenddarkhlaa.mn/142
 
Дээрх бидний бэлтгэсэн мэдээ ТАНД таалагдсан бол LIKE бэлэглээрэй. Баярлалаа.
Сэтгэгдлийг ачаалж байна ...
Бүх цаг үеийн хамгийн агуу дуунуудын нэг, алдарт дуучин Уитни Хюстоны дуулсанаар дэлхий ни  
Хайртай хосуудын хооронд ямар нэг зүйл болохгүй байгааг сэрэмжлүүлсэн дохионуудыг мэдэж авахад энэ сорилт тусална. Та асуултанд үнэн зөв, шударгаар хариулж, өөртөө оноо өгөх ёстой юм шүү.
Бид ихэвчлэн үнэтэй гоо сайхны бүтээгдэхүүн, гоо сайхны салонууд л бидний гоо сайхныг аварна гэж боддог. Дэлхийн сайхан бүсгүйчүүдэд сайхан харагдах нууц жор байдаг байна. Тэд өөрийн гоо сайхандаа анхаарч байгалийн гаралтай бүтээгдэхүүнийг өөрсдийн аргаар бэлтгэн хэрэглэж иржээ. Тэрхүү аргаас таньд танилцуулъя

Сүүлийн сэтгэгдэл