Анхны шөнө
2013 оны 10 сарын 17
... Цонхоор өлийсөн алиман сар 
Цоо ширтээд байх шиг 
Аниргүй шөнө чив чимээгүй 
Амьсгал даран чагнах шиг 

Ичихийн зовлонд хүлэгтэй 
Ихийн их хайраа би илчлээгүй 
Анхны шөнө минь чи 
Ариун ч гэсэн яасан тэнэг вэ? 


Чи надад хайртай юу гэж 
Чимээгүйгээс чи шивнэнэ 
Хараацай насанд учирсан 
Харцны хайраасаа зовж 
Үнэнээр нь чамд өгсөн сэтгэлийнхээ 
Үгийг би хэлж чадаагүй 

Охин биеэ чамдаа өглөө 
Орчлонд ганцхан чи миний хайр 
Энэ л үгийг цагаа олж хэлээгүй 
Ээ хөөрхий, балчир ухаан минь 

Олон жил сэтгэлээ шаналгааж
Олноос ганцхан чамайг хайрлахдаа 
Онгон биеэ зориулах анхны шөнө 
Орчлонгийн жаргал ханатал амталж 
Дулаан зөөлөн уруулыг чинь 
Дураа ханатал үнсэж 
Сайхан чинийхээ биеийг 
Санаснаа марттал тэврээгүй 


Янхных бус ариун биеэр 
Янагийн жаргалд уусан шингэж 
Хүссэн газар бүхнээ энхрийлж 
Хүлээсэн зовлонгоо марттал жаргаагүй 

Бачуухан ухаан бодлыг минь 
Багласан ичих зовоход 
Байдаг бие хүлэгдчихээд 
Би үхсэн мэт хэвтсэн 

Бие өвдөх тэрхэн агшинд 
Болиоч, яасан муухай юм бэ гэж 
Бас л тэнэглэн шивнэсэн 
Яг л тэр мөчид чи 

Чи надад хайргүй гэж 
Чимээгүйхэн зүрхэндээ гомдсон 
Хайр энэ мөч дээр тогтдогийг 
Харин тэгэхэд би мэдээгүй 

Анхны шөнө эргэж ирдэгсэн бол гэж 
Алдсан ухаан одоо ч гэмшсээр... 
Чамд хайртай гэж 
Уйлж байгаад тэврэхсэн 
Чамаар гуйлгаж үнэрхэлгүй 
Унаган биеэ нүцгэлэхсэн 

Хүлээхийн зовлонд хатсан биеэрээ 
Хүсэл хайраа жаргаахсан 
Санаа сэтгэлд мөнхөрсөн 
Сайхан нүд биеийг чинь 
Санасан цангаагаа тайлтал 
Саран доор энхрийлэхсэн 

Би эмэгтэй хүн гэж 
Биеэ барих яасан тэнэг бэ?
Би чамд хайртай гээд 
Бие сэтгэлээ дураар тавьж 
Яагаад болохгүй байх вэ ? 
Яавч ичнэ гэдэг тэнэглэл 

Биеэ өвдөхөөр яраглан янаглаж 
Биеэ тавитал дураараа цэнгэж 
Ариун бие, үнэн хайраа жаргаах 
Анхны шөнө эргэж ирэхгүй 
                                                                   Охин биеэ хөндүүлж буй онгон бүсгүйн шүлгээс...
Дээрх бидний бэлтгэсэн мэдээ ТАНД таалагдсан бол LIKE бэлэглээрэй. Баярлалаа.
Сэтгэгдлийг ачаалж байна ...
Эмэгтэйчүүдийн эрх ашиг, эрүүл мэндийн талаар хэвлэл мэдээлэл олон улсын байгууллагууд үрг  
Хайртай хосуудын хооронд ямар нэг зүйл болохгүй байгааг сэрэмжлүүлсэн дохионуудыг мэдэж авахад энэ сорилт тусална. Та асуултанд үнэн зөв, шударгаар хариулж, өөртөө оноо өгөх ёстой юм шүү.
Алдарт жүжигчин Анжелина Жоли 19 настайдаа хэрхэн харагдаж байсан бэ? та түүний энэ төрхийг урьд өмнө нь харж байгаагүй. Сая сая шүтэн бишрэгчдийн лайк сомментонд дарагдаж, цахим ертөнцийг шуугиулж буй түүний зургуудыг танд сонирхуулъя. Энэхүү зурагнуудыг одоогоос 20 жилийн өмнө буюу 1995 онд түүний хамгийн анхны дүрээ бүтээж байсан ”Хакерууд” хэмээх кинонд зориулан авахуулж байжээ...

Сүүлийн сэтгэгдэл